Útnorðurráðið

Útnorðurráðið er ein millumtingafelagsskapur, ið umboðar ting Grønlands, Íslands og Føroya. Í ráðnum sita 18 tinglimir, seks úr hvørjum landi. Í tíðarskeiðnum millum ársfundirnar verður ráðið stýrt av formansskapinum, ið hevur ein tinglim úr hvørjum landi. Hvørt ár skiftir formansskapurin landanna millum. Eisini kann ráðið seta nevndir at arbeiða við serstøkum málum.

Útnorðurráðið varð stovnað í Nuuk í Grønlandi 24. september 1985. Ráðið fekk eina umsiting í 1997, sum síðani hevur hildið til í skrivstovuhølum hjá Altinginum í Reykjavík. Aðalskrivarin í Útnorðurráðnum stendur fyri dagliga arbeiðinum. 

Útnorðurráðið hittist regluliga tvær ferðir um árið; til ársfundin, ið vanliga verður hildin um mánaðarskiftið august/september og til evnisráðstevnuna, ið vanliga er síðst í januar. Limalondini skiftast um at halda hesi tiltøk; fylgt verður fastari fundarskrá. 

Ársfundurin er hægsti myndugleiki hjá Útnorðurráðnum. Á ársfundinum verða vald formansskapur og formaður, ið sita til næsta ársfund. Á ársfundum ber til at kjakast um eitthvørt, ið kann vera viðkomandi fyri samstarvið millum tey trý londini í útnorði. Á ársfundinum kann Útnorðurráðið samtykkja tilráðingar ætlaðar einum ella fleiri av teimum trimum londunum. 

Hvørt ár leggur Útnorðurráðið høvuðsdentin á eitt fokusøki, sum virksemi ráðsins úteftir síðan verður lagað eftir. Fokusøkið er evnið á stóru árligu evnisráðstevnuni hjá Útnorðurráðnum, sum limalondini skiftast um at halda. Á evnisráðstevnuni eru fyrilestrar við leiðandi granskarum, mentafólki og øðrum. Tey halda fyrilestrar um evnið á ráðstevnuni, og harnæst byrjar orðaskifti. Evnisráðstevnurnar eru opnar fyri almenninginum. 

Útnorðurráðið er virkið í altjóða arbeiði. Ráðið hevur eygleiðarastøðu í Arktiska Ráðnum og í Arktisku Tingnevndini (SCPAR). Útnorðurráðið hevur tætt samstarv við Norðurlandaráðið og hittist eina ferð um árið til fund við DEEA-nevndina hjá ES-tinginum. Limirnir í Útnorðurráðnum luttaka eisini í Northern Dimension; eini tingráðstevnu, ið verður hildin annað hvørt ár. Somuleiðis tekur Útnorðurráðið virknan lut í Arctic Circle-fundum. 

Harumframt hevur Útnorðurráðið tætt samstarv við tingini og stjórnirnar í teimum trimum útnorðurlondunum, við Norrønt Atlantssamstarv (NORA) og við Útnorðurgrunnin.

Annað hvørt ár letur Útnorðurráðið Barna- og ungdómsbókmentavirðisløn ráðsins fyri at stimbra barna- og ungdómsbókmentir í útnorði. Ráðið setir staðbundnar faknevndir við trimum limum í hvørjum landi. Faknevndirnar tilnevna eina bók hvør. Dómsnevndin velur burtur úr tilnevndu verkunum frá teimum trimum londunum. Vinnarin av virðislønini fær eina peningaupphædd áljóðandi 60.000 DKK.

Formansskapur Útnorðurráðsins

Arbeiði Ráðsins verður fyriskipað og leitt av formansskapinum, sum er ráðsformaðurin og ein limur úr hvørjari av hinum báðum sendinevndunum.


Íslandska sendinevndin

Íslendska sendinevndin í Útnorðurráðnum verður vald av Íslendska Altinginum. Íslendsku limirnir í Útnorðurráðnum:

Steinunn Þóra Árnadóttir
Formaður
steinunna@althingi.is
Vinstri-Græn

Eyjólfur Ármannsson
Næstformaður
eyjolfur.armannsson@althingi.is
Flokkur fólksins
Þórarinn Ingi Pétursson
thorarinnp@althingi.is
Framsóknarflokkurinn

Kristrún Frostadóttir
kristrun.frostadottir@althingi.is
Samfylkingin
Þorbjörg Sigríður Gunnlaugsdóttir
thorbjorg.s.gunnlaugsdottir@althingi.is
Viðreisn

Asmundur Fridriksson
Ásmundur Friðriksson
asmundurf@althingi.is
Sjálfstæðisflokkurinn


Varalimir
  • Halla Signý Kristjánsdóttir, Framsóknarflokkurinn
  • Hildur Sverrisdóttir, Sjálfstæðisflokkurinn
  • Jakob Frímann Magnússon, Flokkur fólksins
  • Logi Einarsson, Samfylkinging
  • Orri Páll Jóhannsson, Vinstri-Græn
  • Guðbrandur Einarsson, Viðreisn

Føroyska sendinevndin

Føroyska sendinevndin í Útnorðurráðnum verður vald av Føroya løgtingi.

Jenis av Rana
Delegationsformand
jenisr@logting.fo
Miðflokkurin

Henrik Old
næstformand
henriko@logting.fo
Javnaðarflokkurin
Bárður á Lakjuni
bardurl@logting.fo
Fólkaflokkurin

Eyðdis Hartmann Niclasen
eyddisn@logting.fo
Sambandsflokkurin

Erling Eidesgaard
erlinge@logting.fo
Tjóðveldi
Karlot Hergeirsson
karloth@logting.fo
Framsókn

Varalimir
  • Uni Holm Johannesen, Javnaðarflokkurin
  • Magnus Rasmussen, Sambandsflokkurin
  • Jørgen Niclasen, Fólkaflokkurin
  • Steffan Klein Poulsen, Miðflokkurin
  • Annika Olsen, Tjóðveldi
  • Sólvit E Nolsø, Framsókn


Grønlendska sendinevndin

Grønlendska sendinevndin í Útnorðurráðnum verður vald av grønlendska landstinginum.
Grønlendsku limir Útnorðurráðsins eru:

Kim Kielsen
Formaður
kkiel@inatsisartut.gl
Siumut
Doris J. Jensen
Næstformaður
dojj@inatsisartut.gl
Siumut
Siverth K. Heilmann
sikhe@inatsisartut.gl
Atassut
Mariia Simonsen
masim@inatsisartut.gl
Inuit Ataqatigiit
Emanuel Nûko
emannu@inatsisartut.gl
Naleraq

Harald Bianco
hbian@ina.gl
Inuit Ataqatigiit

Varalimir
  • Agathe Fontain, Inuit Ataqatigiit
  • Mala Høy Kúko, Siumut
  • Aqqalu Jeremiassen, Atassut
  • Paneeraq Olsen, Naleraq
  • Hans Aronsen, Inuit Ataqatigiit
  • Anders Olsen, Siumut